Ulu öndərə həsr olunan konset maraqla qarşılanıb-FOTOLAR

0
178

Heydər Əliyev Mərkəzinin parkında Azərbaycan xalqının ümummilli lideri Heydər Əliyevin doğum günü və Heydər Əliyev Fondunun 15 illiyi münasibətilə keçirilən konsert proqramı maraqla qarşılanıb.

Xeber24.az-ın məlumatına görə, konsert proqramında Əməkdar artist Natiq Şirinovun “Natiq” ritm qrupu, “Rast” qrupu , Xalq artistləri Manana Caparidze, Faiq Ağayev, Zülfiyyə Xanbabayeva, Aygün Kazımova, Əməkdar artistlər Səbinə Babayeva, Abbas Bağırov, Sevda Ələkbərzadə, Röya Ayxan, Miri Yusif, tanınmış ifaçılar Xəyyam Nisanov, Günay İbrahimli, Zamiq Hüseynov, Sevda Yahyayeva, Azad Şabanov, Rauf Əhmədov və Mir Camal çıxış ediblər. Konsertdə Rusiyanın “S-BROTHER-S” DJ layihəsi tamaşaçılara maraqlı, çılğın anlar bəxş edib.
Estrada ulduzlarının səsləndirdikləri mahnı və kompozisiyalar gur alqışlarla qarşılanıb.Tədbirdə, həmçinin Heydər Əliyev Fondunun 15 illik fəaliyyəti ilə bağlı videoçarx də nümayiş olunub.