9 avqust 2019 www.xeber24.az

Göyərtəsində üç nəfərin olduğu birmühərrikli özəl təyyarə Pensilvaniya ştatında, Montqomeri yaxınlığında qəzaya uğrayıb.

Təyyarə yaşayış evlərindən birinin arxa həyətinə düşüb.

Göyərtədəki adamların hamısı həlak olub.

Hadisə avqustun 8-də səhər saatlarında baş verib.

Təyyarə Filadelfiyanın şimal-şərq hissəsindəki aeroportdan havaya qalxıb və Ohayo ştatının Kolumbus şəhərində yerləşən universitetə tərəf istiqamət götürüb.

Təyyarə bir neçə ağacı zədələyib və yaşıllıq ərazisinə düşüb. Xoşbəxtlikdən yaşayış evləri zərər çəkməyib.

Hökumət rəsmilərinin sözlərinə görə, pilot səmaya qalxandan az sonra təyyarədə problem olduğunu bildirib. Amma qəzanın səbəbləri hələ də bəlli deyil.

Məsələ ilə bağlı araşdırma aparılır.

Fariz Eyvazlı

Loading...